رئيس النصر لواقع مصر: التحكيم غير عادل.. وكل لما نتصدر يوقعوا الفريق
09:54 م 22/10/2026 تعديل في 09:55 م
أبدي المهندس هشام قطب رئيس نادي النصر رأيه في القرارات التحكيمية التي شهدتها مباراة الفريق الأول خلال مواجهة الداخلية، والتي انتهت بالتعادل الإيجابي بنتيجة 2-2 ضمن منافسات دوري المحترفين.
وقال قطب في تصريحات خاصة لموقع واقع مصر:"طبعاً التحكيم في مباراة النهارده كان هزيل، والمشكلة مش في مباراة النهارده بس لكن التحكيم بقى غير عادل".
وأوضح قطب :"اللي حصل النهارده إن المباراة كان المفروض تنتهي عند الدقيقة 90 وتم الإعلان عن الوقت المحتسب بدلاً من الضائع، لكن اتلعبت دقيقتان إضافيتان وبعدها تم احتساب الوقت بعد سقوط أحد اللاعبين واستمرار المباراة".
وتابع رئيس نادي النصر: "التحكيم بقى في أسوأ حالاته وفرق الدوري الـ20 كلها بتشتكي، باستثناء 3 فرق بس محدش فيهم بيتكلم. كل ما النصر يتصدر يبقى فيه محاولات لإسقاط النادي ليه؟ وعشان إيه الفريق يتعرض لكل ده؟".
وواصل رئيس النصر:"التحكيم سيئ فى مصر سواء في الدوري الممتاز أو دوري المحترفين أو دوري القسم الثاني فين عصام عبدالفتاح وجمال الغندور وسمير عثمان؟ وفين دورهم في اللي بيحصل؟".
وأكمل: "كانوا بيتكلموا إن التحكيم في عهد الرجل الأجنبي كان سيئً لكن الوضع حالياً بقى أسوأ، وعشان كده نرجع الأجنبي هيكون الوضع أفضل".
واختتم رئيس نادي النصر تصريحاته بالتأكيد على تمسكه بحق النادي، قائلاً:"طبعاً إحنا قدمنا شكوى لكن لو ماخدتش حقي، هصعد ومش هسيب حق النادي".
وكان النصر تقدم على الداخلية بهدف أحمد حسين، قبل أن يضيف مصطفى صاصا الهدف الثاني خلال الشوط الثاني ليقترب من حصد النقاط الثلاث، لكن الداخلية نجح في تقليص الفارق ثم إدراك التعادل في اللحظات الأخيرة لتنتهي المباراة بنتيجة 2-2.
