عملنا إيه بفلوس صفقة رأس الحكمة؟ الخبير الاقتصادي محمد فؤاد يجيب (فيديو)
مخطط مشروع مدينة رأس الحكمة - صورة أرشيفية
قال الدكتور محمد فؤاد، الخبير الاقتصادي، إن صفقة رأس الحكمة، وفرت متنفسًا دولاريًا استثنائيًا بقيمة 35 مليار دولار، بالتزامن مع إجراءات توحيد سعر الصرف وتحريك الفائدة ومعالجة التراكمات الاستيرادية، متسائلًا عن كيفية استغلال هذه الفرصة لتنفيذ إصلاحات تقلل تأثر الاقتصاد بالصدمات الخارجية.
وأضاف خلال حواره مع الإعلامي عمرو أديب ببرنامج «الحكاية»، المذاع عبر قناة «إم بي سي مصر»، أنه «صفقة رأس الحكمة اشترت لنا وقت»، مشددًا على أهمية تقييم الأداء الاقتصادي بمؤشرات تنعكس على حياة المواطنين، إلى جانب المؤشرات المرتبطة بالتمويل والاقتراض.
وتابع الخبير الاقتصادي: «السؤال المشروع للحكومة بعد أكثر من سنتين ونص، استغلينا الفرصة دي إزاي؟ إيه الإصلاح الاقتصادي اللي عملناه عشان نخلي الاقتصاد يولد دولار؟ صفقة رأس الحكمة اشترت لنا وقت صحيح، لكن عملنا إيه بالوقت ده عشان لما تيجي صدمة خارجية ما نرجعش لنفس الدوامة؟».
رد عمرو أديب: «هو أنا لحقت؟ ما بعد كده حصلت الحرب الأوكرانية والحرب في الخليج، ودخلي في قناة السويس تأثر والحروب شغالة، هو أنا لحقت؟».
ليجيبه الدكتور محمد فؤاد: «لا، احنا عايزين نتكلم بجد. إيه البرنامج الاقتصادي اللي مصر ماشية عليه؟ بتاع صندوق النقد الدولي. فين رؤية 2030؟ وفين السردية الوطنية اللي اتكلمنا عليها؟ لما نتكلم بجد لازم يكون عندنا مؤشرات اقتصادية بنديرها بالفعل مش مجرد أرقام تُطلق (زي 145 مليار صادرات وتلاقي العجز 65 مليار)»، مختتما: «الأرقام على الورق شكلها جيد، لكن لازم نبص على المؤشرات التي تهم المواطن مش اللي تهم اللي بنروح نستلف منه فلوس».
وعن توقعاته لسعر الدولار، استبعد فؤاد عودته إلى مستويات الأربعينيات في المستقبل القريب، مرجحًا استمرار التذبذب في ظل الضغوط الخارجية.
وأوضح الخبير الاقتصادي أن هدوء التوترات في المنطقة قد يخفف ضغوط الطاقة والمخاطر الجيوسياسية، لكنه أكد أن تحركات المركزي تظل بحاجة إلى برنامج اقتصادي يدعم الإنتاج والصادرات ويوفر موارد مستدامة من النقد الأجنبي.
